تولكو:باشبن دونوم وئر قويروقوم

قاري: وئرم آما سن اوشاپيلداتا-شاپيلداتا ايچن سودلري گتير منه منده سنين قويروقونو وئريم.

تولكو نه قدر يالواردي قاريا كارسالمادي كي سالمادي سونوندا توكلو قاريا سود تاپماق اوچون قويونون يانيتنا گئتدي.

تولكو قويونا دئدي:قويون باجي،قويون باجي،نه اولورمنه بيرآز سود وئرسن !آپاريم قاريا وئريم منيم قويوروقومي

وئرسين.

قويوندا دئدي: وئره رم امما من گرك بير آز يئشيل اوت وئرسن.

تولكو يولا دوشوب گئتدي اوتلاقاو دئدي: آي اوتلاق باجي،ائي گوزه ل اوتلاق باجي ،ائي يئشيل اوتلاق نه اولور منه بير

آز يئشيل اوت وئرسن آپارام قويونا اودا منه بير آز سود وئرسين منده اوني آپاريم قاريا اودا منيم قويروقومي

وئرسين!

اوتلاقدا دئدي: سن منه گوزه ل قيزلار گتيريب اونلار منيم اوستومده اويناسينلار ،اوندا منده سنه يئشيل اوتلار وئره

رم.

تولكوده گئديب گوزه ل قيزلارا يالوارماقا باشلاميش كي: قيزلار،قيزلار گوزه ل قيزلار!اي گوزلرينه دوندويوم

قيزلار!نه اولورباشنيزا دولانيم منه بير آز يارديم ائدسيز؟نه اولار،گلين بير آز اوتلاقدا اويونايين تا اوتلاق منه يئشيل

اوت وئرسين منده اوني اپاريم قويونا وئريم اودا منه سود وئرسين اوني آپاريم قاريا وئريب منيم قويروقومو وئرسين!

قيزلاردا تولكويه دئديلر كي: بيزه اينجي –مرجان گتيرسن بيزده گليب اوتلاقدا اويناروق!

قزلارا اينجي – مرجان آلماق اوچون تولكو قيزيلچي دوكانينا گئتميش.قيزيلچي يه تولكو دئميش:قيزيلچي اي

قيزيلچي باشي!منه بير آز اينجي وئر آپاريم گوزه ل قيزلارا اونلاردا گليب اوتلاقدا اويناسينلار سونرا اوتلاق منه يئشيل

اوت وئرسن آپاريم قويونا اوندان سود آليب آپاريم قاريا اودا منيم قويروقومو وئرسين!

قيزلچي دئميش: منه يومورتا لازيمدير ،گئت منه يومورتا گتير .

قيزيلچيا يومورتا گتيرمك اوچون تويوقلارين يانينا گئتميش،تويوقلارا دئميش: تويوقلار،اي تويوقلار،گوزه ل، فريك

تويوكلار،منه يومورتا وئرنيز آپاريم قيزيلچيا ،اودا منه اينجي وئرسين آپاريم گوزه لقيزلارا اونلاردا گليب اوتلاقدا

اوتلاسينلار من بير آز يئشيل اوت وئرسينلر،اوتي آپاريم قويونا اودا منه سود وئرسين سودي آپاريم قاريا اودا منيم

قويروقومي وئرسين،دئميش.

تويوقلاردا دئميش ،بيزه بوغدا گتيرسن بيزده سنه يومورتا وئرريك.

تولكو بوغدا آلماق اوچون اكينه گئتميش.اكينه دئميش: اكين،اي گوزه ل اكين !منه بير آز بوغدا وئر،آپاريم تويوقلارا

آونلاردا منه يومورتا وئرسينلر،آپاريم قيزيلچيا اودا منه اينجي وئرسين آپاريم گوزه ل قيزلارا ،اونلاردا گليب اوتلاقدا

اويناسينلار اوتلاق منه يئشيل اوت وئرسين آپاريم قويونا ،قويون منه سود وئرسين آپاريم سودي قاريا اودا منيم

قويروقومي وئرسين!

اكين دئميش منه سو گتيرسن منده سنه بوغدا وئرم.

تولكو يولا دوشوب چايا ساري گئتميش.چايا دئميش : اي چاي آخار- داشار سولو چاي نه اولورمنه بير آز سو

وئرپاريم اكيينه ،اودا منه بير آز بوغدا وئرسينآپاريم تويوقلارا اونلاردا منه يومورتا وئرسينلر آپاريم قيزيلچيا اود منه

اينجي وئرسين آپاريم گوزه ل قيزلارا اونلاردا گليب اوتلاقدا اويناسينلار اوتلاق منه يئشيل اوت وئرسين آپاريم قويونا

،قويون منه سود وئرسين ،سودي آپاريم قاريا اودا منيم قويروقومي وئرسين.

نه باشنيزي آغريديم ،چاي تولكويه سو وئرميش،تولكوده سويو گوتوروب اكينه آپارميش اكينده بير آز بوغدا وئريب

،تولكوقارداش بوغدالاري آپارميش تويوقلارا ،تويوقلاردا بير نئجه دانا يومورتا وئريب ،يومورتالاري آپاريب قيزيلچيا

وئرميش،قيزيلچيدا بير نئجه دانا گوزه ل و ايري اينجي-مرجان وئريب ،تولكوده آپاريب قيزلارين اتكلرينه

توكموش،اوندان سونرا قيزلاردا دئديكلري كيمي گليب اوتلاقدا اويناماقا باشلاميشلار،اوتلاقدا سئوينديگيندن يئم –

يئشيل اوتلار تولكويه آرماغان ائلميش،تولكي اوتلاري قويونون يانينا آپاريب بير آز سود ساغييب قاريا

آپارميش،قاريدا تولكودن سوز آلديقدان سورا كي بير داها اوغورلوق ائلمسين تولكونون قويروقون قئري وئرميش.

تولكو سئوينه – سئوينه قويروقون گوتوروب ،سوپورگه باغلاديگي قويروق يئرينه اوز قويروقون ياپيشديرميش

؛بيداها دا اوزيله عهد قيلير كي اوغورلوق ائلمسين چون بيليردي كي اگر بيرداها اوغورلوق ائلسه داها هيچ كيم دادينا

دورماييب اونا كومك ائدن اولماياجاق.

بئله ليكله تولكو ،يئدي ،ايچدي،مطلبينه يئتيشدي،سيزده يئيين ؛ايچين ،مطلبينيزه چاتين.سيز ساغ من سلامت ،سيز

يوز ياشين من ايكي اللي.